Tuesday , 11 December 2018
Home » Malayalam News » സമൂഹമാധ്യമങ്ങളിൽ തരംഗമായി ദുൽഖർ ചിത്രം സുകുമാര കുറുപ്പിന്റെ ഗംഭീര ഫാൻ മെയിഡ് പോസ്റ്ററുകൾ!!

സമൂഹമാധ്യമങ്ങളിൽ തരംഗമായി ദുൽഖർ ചിത്രം സുകുമാര കുറുപ്പിന്റെ ഗംഭീര ഫാൻ മെയിഡ് പോസ്റ്ററുകൾ!!

സുകുമാര കുറുപ്പ് എന്ന വ്യക്തിയെ മലയാളികൾക്ക് കൂടുതൽ പരിചയപ്പെടുത്തേണ്ട ആവശ്യം വരുമെന്ന് തോന്നുന്നില്ല. കേരള ചരിത്രത്തിലെ ഏറ്റവും ബുദ്ധിമാനായ കുറ്റവാളി എന്നോ പിടികിട്ടാ പുള്ളി എന്നോ വിശേഷിപ്പിക്കാവുന്ന ഒരാൾ. സ്വന്തം ഐഡന്റിറ്റി ഉപയോഗിച്ച് രൂപ സാദൃശ്യം ഉള്ള മറ്റൊരാളെ കൊലപ്പെടുത്തി ഇൻഷുറൻസ് തുക കൈക്കലാക്കി പിന്നീട് കടന്നു കളഞ്ഞ വ്യക്തി. വർഷമിത്ര കഴിഞ്ഞിട്ടും സുകുമാര കുറുപ്പിനെ കണ്ടെത്താൻ ആവാത്തത് കേരള പൊലീസിന് തീരാ കളങ്കമായി തന്നെ നിൽക്കവെയാണ് സുകുമാര കുറുപ്പിന്റെ കഥ സിനിമയാക്കുന്നത്. കഴിഞ്ഞ വർഷമായിരുന്നു ചിത്രത്തിന്റെ പ്രഖ്യാപനം. പ്രഖ്യാപനം വന്നത് മുതൽ പ്രേക്ഷകരെല്ലാം വലിയ ആകാംഷയിലായിരുന്നു.

സെക്കൻഡ് ഷോ എന്ന ആദ്യ ചിത്രത്തിലൂടെ ദുൽഖറിനൊപ്പം മലയാള സിനിമയിലേക്ക് എത്തിയ സംവിധായകൻ ശ്രീനാഥ് രാജേന്ദ്രനായിരിക്കും ചിത്രം സംവിധാനം ചെയ്യുക. സെക്കൻഡ് ഷോ വലിയ വിജയമായി മാറിയതിനൊപ്പം ചിത്രം യുവാക്കളിൽ വലിയ തരംഗവും സൃഷ്ടിച്ചിരുന്നു. പിന്നീട് കൂതറ എന്ന ശ്രീനാഥ് രാജേന്ദ്രന്റെ രണ്ടാം ചിത്രത്തിലും ദുൽഖർ ശബ്ദത്തിലൂടെ സാന്നിധ്യമറിയിച്ചു. വിജയ കൂട്ടുകെട്ടായ ദുൽഖർ – ശ്രീനാഥ് രാജേന്ദ്രൻ ടീം വീണ്ടും എത്തുമ്പോൾ വലിയ അത്ഭുദം തന്നെ പ്രതീക്ഷിക്കാം. ദുൽഖർ സുകുമാരക്കുറുപ്പ് ആയി എത്തുന്ന നിരവധി ചിത്രങ്ങൾ ഇതിനോടകം തന്നെ നവമാധ്യമങ്ങളിൽ തരംഗമായി കഴിഞ്ഞു. കുറച്ചു ദിവസങ്ങളായി പുറത്ത് വന്നു കൊണ്ടിരിക്കുന്ന ഫാൻ മെയിഡ് പോസ്റ്ററുകളാണ് ചിത്രം വീണ്ടും ചർച്ചയാകുന്നത്. മറ്റ് ഭാഷ ചിത്രങ്ങളുടെ തിരക്കിലാണ് ദുൽഖർ സൽമാൻ ഇപ്പോൾ അതിനു ശേഷം തിരിച്ചെത്തി സുകുമാര കുറിപ്പിൽ ജോയിൻ ചെയ്യും എന്നാണ് അറിയാൻ കഴിയുന്നത്.

About Rojan Nath

Check Also

മമ്മൂട്ടിയുടെ മാമാങ്കം സിനിമയുടെ ചിത്രീകരണത്തിനായി കൊച്ചിയിൽ വ്യാപക നിലംനികത്തൽ…

മലയാള സിനിമയിൽ ചരിത്ര വേഷങ്ങളലിലൂടെ വിസ്മയിപ്പിക്കുന്ന വ്യക്തിയാണ് മെഗാസ്റ്റാർ മമ്മൂട്ടി.കേരള വർമ്മ പഴശ്ശിരാജയായി കേരളത്തിൽ തരംഗം സൃഷ്ട്ടിച്ച വ്യക്തി കൂടിയാണ് ...

Leave a Reply